waa maxay programming
Sida aan ognahay, si aan ula xiriirno qof, waxaan u baahanahay luqad gaar ah, si la mid ah si aan ula xiriirno kombuyuutarrada, programmers ka sidoo kale waxay u baahan yihiin luqad, taas ayaa waxaa loo yaqaan ‘Programming Language’. Kahor intaanan baran luqadda barnaamijka (Programing Language), aan fahanno waa maxay luqad? Waa maxay Luqad? Luqaddu waa hab isgaarsiin oo loo isticmaalo in lagula wadaago fikradaha, ra’yiga midba midka kale. Tusaale ahaan, haddii aan rabno inaan qof lahadalno, waxaan u baahanahay luqad an fahmi karno aniga iyo qofka kale. Waa maxay Programing Language? Programming Language waa luuqad kumbiyuutar oo ay isticmaalaan programmers (developers) si ay ula xiriiraan kombayutarada. Waa tilmaamo lagu qoray luqad kasta oo gaar ah (C, C++, Java, Python) si loo qabto hawl gaar ah. Luqadda barnaamijka (Programing Language) waxaa inta badan loo isticmaalaa in lagu horumariyo ama lagu sameeyo barnaamijyada desktop-ka, mareegaha (Websites), iyo barnaamijyada mobilada (Mobile Applications). Luuqadaha programming-ka waa lama huraan waayo kombuyuutarku ma fahmi karaan af-soomaaliga. Luuqadaha programming-ka waxa ay soo afjaraan farqigan iyaga oo ka caawinaya programmers ka in ay u turjumaan amarradooda wax uu kumbiyuutarku fahmi karo oo uu fulin karo.
